Londonning "Chelsi" klubi sobiq yarim himoyachisi Jo Koul rossiyalik biznesmen Roman Abramovichning ingliz top-klubidagi davrini yodga oldi.
«Roman Abramovichning "Chelsi"si futbol olamining markazida edi. Hamma bilan hisoblashadigan yangi kuchli jamoa paydo bo‘ldi. Mavsumda eng yaxshi bo‘lgan futbolchilar uning yaxtasiga taklif olishar edi. Terri bilan Lempard o‘sha yerga borgan. 2008 yilda men yilning eng yaxshi futbolchisi bo‘ldim, ammo yaxtaga kira olmadim. Aftidan, o‘shanda siyosat o‘zgargandi», - deya sobiq futbolchining so‘zlarini keltiradi Daily Mail.
Eslatib o‘tamiz, Abramovich 2003-2022 yillarda London klubi xo‘jayini bo‘lgan. Uning qo‘l ostida jamoa APL chempioni va Yevropa Chempionlar Ligasi kubogi sohibiga aylandi.
