Лондоннинг "Челси" клуби собиқ ярим ҳимоячиси Жо Коул россиялик бизнесмен Роман Абрамовичнинг инглиз топ-клубидаги даврини ёдга олди.
«Роман Абрамовичнинг "Челси"си футбол оламининг марказида эди. Ҳамма билан ҳисоблашадиган янги кучли жамоа пайдо бўлди. Мавсумда энг яхши бўлган футболчилар унинг яхтасига таклиф олишар эди. Терри билан Лэмпард ўша ерга борган. 2008 йилда мен йилнинг энг яхши футболчиси бўлдим, аммо яхтага кира олмадим. Афтидан, ўшанда сиёсат ўзгарганди», - дея собиқ футболчининг сўзларини келтиради Daily Mail.
Эслатиб ўтамиз, Абрамович 2003-2022 йилларда Лондон клуби хўжайини бўлган. Унинг қўл остида жамоа АПЛ чемпиони ва Европа Чемпионлар Лигаси кубоги соҳибига айланди.
