Braziliyalik hujumchi Neymar «Santos»ni tark etib, faoliyatini Braziliyaning boshqa klubida davom ettirishi mumkin. Bu haqda Marca xabar bermoqda.

«Santos» rahbariyati o‘z tarbiyalanuvchisi bilan shartnomani yana bir mavsumga uzaytirishni istamoqda, tomonlar o‘rtasidagi muzokaralar esa ilg‘or bosqichda olib borilmoqda.

Shu bilan birga, Neymarni o‘z safiga qo‘shib olish variantini «Flamengo» ham ko‘rib chiqmoqda. Jamoa tarkibidagi bir necha futbolchilar yulduz hujumchini "qizil-qoralar" bilan shartnoma imzolashga ko‘ndirishga urinmoqda. Ular Neymarni «Flamengo» safida o‘ynasa, jahon chempionatiga eng yaxshi sport formasida yetib borishi mumkinligiga ishontirishmoqda.