"Roma" hujumchisi Paulo Dibala Argentinaning "Boka Xuniors" klubi transfer maqsadiga aylandi. Bu haqda taniqli insayder Fabrisio Romano o‘z ijtimoiy tarmoqlarida ma’lum qildi.
Manbaga ko‘ra, Argentina jamoasi rahbariyati Dibala bilan 2026 yilda shartnoma imzolashni mo‘ljallamoqda. Biroq hujumchining o‘zi vataniga qaytish ishtiyoqida yonayotgani yo‘q. U mavsum yakunlangach, qaror qabul qiladi.
Paulo Dibala 2022 yil yozidan beri rimliklar sharafini himoya qilmoqda. Joriy mavsumda 32 yoshli futbolchi 13 ta o‘yinda maydonga tushib, 2 ta gol va 1 ta golli uzatmani o‘z hisobiga yozdirib qo‘ydi. Hujumchining "Roma" bilan shartnomasi iyun oyida o‘z nihoyasiga yetadi.
