"Рома" ҳужумчиси Пауло Дибала Аргентинанинг "Бока Хуниорс" клуби трансфер мақсадига айланди. Бу ҳақда таниқли инсайдер Фабрицио Романо ўз ижтимоий тармоқларида маълум қилди.
Манбага кўра, Аргентина жамоаси раҳбарияти Дибала билан 2026 йилда шартнома имзолашни мўлжалламоқда. Бироқ ҳужумчининг ўзи ватанига қайтиш иштиёқида ёнаётгани йўқ. У мавсум якунлангач, қарор қабул қилади.
Пауло Дибала 2022 йил ёзидан бери римликлар шарафини ҳимоя қилмоқда. Жорий мавсумда 32 ёшли футболчи 13 та ўйинда майдонга тушиб, 2 та гол ва 1 та голли узатмани ўз ҳисобига ёздириб қўйди. Ҳужумчининг "Рома" билан шартномаси июнь ойида ўз ниҳоясига етади.
