Portugaliya terma jamoasi yarimhimoyachisi Brunu Fernandesh milliy jamoa maydonda Krishtianu Ronaldu bo‘lmaganda yaxshiroq o‘ynaydi, degan fikrga izoh berdi.

«Bilaman, odamlar Ronaldusiz biz yaxshiroq o‘ynaymiz, chunki futbolchilar o‘zlarini erkinroq his qilishadi va harakatlar yanada uyg‘un bo‘ladi, deb o‘ylashadi. Agar shunday bo‘layotgan bo‘lsa, buning bir qismida ayb o‘zimizda. Maydonda Krishtianu borligi sababli xavotirlanib yurish kerak emas, chunki u bizga yordam bera oladi.

Jarima maydonida u hali ham juda yuqori saviyadagi o‘yinchi ekanini ko‘rsatmoqda. U himoyachilarning e’tiborini o‘ziga tortadi va boshqa futbolchilar uchun bo‘sh hudud yaratadi. Agar Krishtianu o‘ynamasa, uning o‘rniga Gonsalu Ramush maydonga tushadi. Gonsalu pressingda kuchli va diagonal yugurishlarda yaxshi.

Men o‘ynamagan paytimda, Bernardu [Silva] “10-raqam” pozisiyasida harakat qilsa, Bernardu ko‘proq to‘pni nazorat qiladi, men esa ko‘proq hal qiluvchi uzatmalarni amalga oshiraman. Har doim shunday bo‘ladi. Barcha futbolchilar bir-biriga nimadir qo‘shadi va nimanidir kamaytiradi. Krishtianu ham biz kabi. Biz moslashishni va bir-birimizning kuchli jihatlarimizni yanada kuchaytirishni bilishimiz kerak, shunda terma jamoa g‘alaba qozonadi», — deya Fernandeshning so‘zlarini ESPN Canal 11ga tayanib keltiradi.