"Milan" bosh murabbiyi Massimiliano Allegri Italiya Superkubogi yarim finalida "Napoli"ga qarshi o‘yinda 2:0 hisobida mag‘lub bo‘lganidan keyingi taassurotlari bilan o‘rtoqlashdi.

Antonio Konte jamoasi 39 va 63-daqiqalarda David Neres va Rasmus Xyoylundning gollari evaziga g‘alaba qozondi.

"Biz kuchli raqibga duch keldik, buni bilardik. Gol urish uchun vaziyatlarimizda ancha yaxshiroq o‘ynashimiz mumkin edi. Ikkala jamoa ham yaxshi o‘ynadi, ammo "Napoli" yaxshiroq himoyalandi, shuning uchun ular g‘alabaga loyiq edilar. Biz to‘pni yaxshi nazorat qildik, ammo jarima maydonchasiga hujum qilishda unchalik yaxshi emas edik. Mag‘lubiyat har doim yoqimsiz, ammo endi bizda A Seriyada o‘z o‘rnimizni ko‘rsatish imkoniyati bor", dedi Allegri Sport Mediaset nashriga bergan intervyusida.