"Милан" бош мураббийи Массимилиано Аллегри Италия Суперкубоги ярим финалида "Наполи"га қарши ўйинда 2:0 ҳисобида мағлуб бўлганидан кейинги таассуротлари билан ўртоқлашди.
Антонио Конте жамоаси 39 ва 63-дақиқаларда Давид Нерес ва Расмус Хёйлунднинг голлари эвазига ғалаба қозонди.
"Биз кучли рақибга дуч келдик, буни билардик. Гол уриш учун вазиятларимизда анча яхшироқ ўйнашимиз мумкин эди. Иккала жамоа ҳам яхши ўйнади, аммо "Наполи" яхшироқ ҳимояланди, шунинг учун улар ғалабага лойиқ эдилар. Биз тўпни яхши назорат қилдик, аммо жарима майдончасига ҳужум қилишда унчалик яхши эмас эдик. Мағлубият ҳар доим ёқимсиз, аммо энди бизда А Серияда ўз ўрнимизни кўрсатиш имконияти бор", деди Аллегри Sport Mediaset нашрига берган интервьюсида.
