"Manchester Yunayted" sobiq bosh murabbiyi ser Aleks Fergyuson "qizil iblislar" tomonidan 2025/2026 yilgi mavsum oldidan sotib olingan futbolchilarning o‘yini haqida gapirdi.
"Menimcha, Lammensning paydo bo‘lishi ko‘p narsani o‘zgartirdi. U 23 yoshda, u tezkor, to‘g‘ri yigit, ham oyoqlari, ham qo‘llari bilan zo‘r o‘ynaydi. Jamoaga aynan shunday futbolchi kerak edi. "Yunayted"da har doim boshqalarni ilhomlantira oladigan futbolchilar bo‘lgan va menimcha, bu yerda ham bu o‘z ta’sirini ko‘rsatdi. Qolgan ikki yangi o‘yinchi - Mbeumo va Kunyaga kelsak, ular bizga avvalgi formamizni qaytarishga yordam beradiganga o‘xshaydi", - deya Fergyusonning so‘zlarini keltiradi Goal.com.
"Manchester Yunayted" 16-turdan keyin APL turnir jadvalida 26 ochko bilan oltinchi o‘rinda bormoqda.
