"Манчестер Юнайтед" собиқ бош мураббийи сер Алекс Фергюсон "қизил иблислар" томонидан 2025/2026 йилги мавсум олдидан сотиб олинган футболчиларнинг ўйини ҳақида гапирди.
"Менимча, Ламменснинг пайдо бўлиши кўп нарсани ўзгартирди. У 23 ёшда, у тезкор, тўғри йигит, ҳам оёқлари, ҳам қўллари билан зўр ўйнайди. Жамоага айнан шундай футболчи керак эди. "Юнайтед"да ҳар доим бошқаларни илҳомлантира оладиган футболчилар бўлган ва менимча, бу ерда ҳам бу ўз таъсирини кўрсатди. Қолган икки янги ўйинчи - Мбеумо ва Куньяга келсак, улар бизга аввалги формамизни қайтаришга ёрдам берадиганга ўхшайди", - дея Фергюсоннинг сўзларини келтиради Goal.com.
"Манчестер Юнайтед" 16-турдан кейин АПЛ турнир жадвалида 26 очко билан олтинчи ўринда бормоқда.
