Londonning "Chelsi" klubi 18 yoshli argentinalik hujumchi Ian Subiabre uchun kurashda favoritga aylandi. Bu haqda Fichajes nashri xabar berdi.

Manbaga ko‘ra, "aristokratlar"ning asosiy raqobatchisi "Barselona" hisoblanadi. Biroq, kataloniyaliklarda moliyaviy muammolar mavjud bo‘lib, ular kelishuv tuzishga to‘sqinlik qilishi mumkin, shuning uchun londonliklar ustun mavqega ega.

Subiabre Argentinaning "River Pleyt" jamoasida o‘ynaydi. Insayderlarning ta’kidlashicha, Argentina klubi yangi shartnoma imzolashdan bosh tortayotgan futbolchisini qo‘yib yuborishga rozi bo‘lgan.