Madridning "Real" klubi ayni damda "Manchester Siti" forvardi Erling Xolandni sotib olish haqida o‘ylamayapti. Bu haqda jurnalist Ekrem Konur xabar berdi.
Manbaga ko‘ra, "qaymoqranglilar" franuiyalik hujumchi Kilian Mbappe jamoaning barcha hujum ehtiyojlarini qondiradi, deb hisoblamoqda. Shu sababli "Real" norvegiyalik goleadorni sotib olish haqida o‘ylamayapti.
Joriy mavsumda 25 yoshli Xoland barcha musobaqalarda 23ta o‘yinda 25ta gol urdi va 4ta golli uzatmani amalga oshirdi.
Xolandning "Manchester Siti" bilan amaldagi shartnomasi 2034 yilga qadar imzolangan. Transfermarkt mutaxassislari forvardning narxini 200 million yevroga baholamoqda.













