Мадриднинг "Реал" клуби айни дамда "Манчестер Сити" форварди Эрлинг Холандни сотиб олиш ҳақида ўйламаяпти. Бу ҳақда журналист Экрем Конур хабар берди.
Манбага кўра, "қаймоқранглилар" франуиялик ҳужумчи Килиан Мбаппе жамоанинг барча ҳужум эҳтиёжларини қондиради, деб ҳисобламоқда. Шу сабабли "Реал" норвегиялик голеадорни сотиб олиш ҳақида ўйламаяпти.
Жорий мавсумда 25 ёшли Холанд барча мусобақаларда 23та ўйинда 25та гол урди ва 4та голли узатмани амалга оширди.
Холанднинг "Манчестер Сити" билан амалдаги шартномаси 2034 йилга қадар имзоланган. Transfermarkt мутахассислари форварднинг нархини 200 миллион еврога баҳоламоқда.
