Marokash terma jamoasi Afrika Millatlar kubogining dastlabki bahsida Komor Orollari ustidan 2-0 hisobida ishonchli g‘alabaga erishgan edi. O‘yindan keyin jamoa bosh murabbiyi Volid Regrai fikrlari bilan o‘rtoqlashdi. U shunday deydi:
"Biz doimgidek bor kuchimiz bilan o‘z muxlislarimizni xursand qilishga harakat qildik. Buni epladik deb o‘ylayman. Tarkibimizda muammolar bor edi. Hakimisiz yaxshiroq o‘ynashimiz kerak. Uning o‘rnida harakat qilgan Mazraui bugun ishonchli ko‘rindi. Shunga qaramay, bizga Hakimi iloji boricha tez vaqt ichida kerak. U Afrikadagi eng yaxshi futbolchilardan biri".













