"Bornmut" vingeri Antuan Semenyo qishki transferlar davrida qayerga ko‘chib o‘tishni ma’qul ko‘rayotgani ma’lum bo‘ldi.

Ganalik yulduz "Manchester Siti"ga o‘tishga qaror qildi, deyiladi nufuzli jurnalist Devid Ornshteynning yangi hisobotida. Bitim hali kelishilmagan, ammo "shaharliklar" "giloslar" yulduzini ko‘ndirishga muvaffaq bo‘lgan ko‘rinadi. 25 yoshli futbolchi "Manchester Yunayted"ning yanvar oyidagi ustuvor maqsadlari qatorida edi, ammo "qizil iblislar"ning "qo‘shnilar"ga qarshi kurashdagi imkoniyatlari yuqori baholanmadi.

Xabaringiz bor, 10 yanvarga qadar Antuan Semenyoni taxminan 75 mln yevroga sotib olish mumkin bo‘ladi - bunday tovon puli uning "Bornmut" bilan shartnomasida ko‘rsatilgan.