"Борнмут" вингери Антуан Семеньо қишки трансферлар даврида қаерга кўчиб ўтишни маъқул кўраётгани маълум бўлди.

Ганалик юлдуз "Манчестер Сити"га ўтишга қарор қилди, дейилади нуфузли журналист Дэвид Орнштейннинг янги ҳисоботида. Битим ҳали келишилмаган, аммо "шаҳарликлар" "гилослар" юлдузини кўндиришга муваффақ бўлган кўринади. 25 ёшли футболчи "Манчестер Юнайтед"нинг январь ойидаги устувор мақсадлари қаторида эди, аммо "қизил иблислар"нинг "қўшнилар"га қарши курашдаги имкониятлари юқори баҳоланмади.

Хабарингиз бор, 10 январга қадар Антуан Семеньони тахминан 75 млн еврога сотиб олиш мумкин бўлади - бундай товон пули унинг "Борнмут" билан шартномасида кўрсатилган.