"PSJ"ning fransiyalik vingeri Bredli Barkolya faoliyatini "Liverpul"da davom ettirishi mumkin.
Indykaila News xabariga ko‘ra, 23 yoshli futbolchi agentiga agar "Liverpul" uni sotib olmoqchi bo‘lsa, o‘yin vaqti kafolatini berishi kerakligini aytgan. Barkolya darhol asosiy tarkib futbolchisiga aylangan taqdirdagina mersisaydliklar safiga o‘tishga rozi.
Joriy mavsumda Barkolya barcha musobaqalarni hisobga olgan holda 21 ta o‘yinda maydonga tushib, 5 ta gol urdi va 3 ta golli uzatmani o‘z hisobiga yozdirib qo‘ydi.
Nufuzli "Transfermarkt" portali mutaxassislari hujumchining narxini 70 million yevroga baholamoqda.













