Hujumchi Muhammad Saloh yaqinda yuzaga kelgan mojaroga qaramay, katta ehtimol bilan joriy mavsumni "Liverpul"da yakunlaydi.
The Athletic jurnalisti Jeyms Pirsning ma’lum qilishicha, "qizillar" mavsumning ikkinchi qismini misrlik futbolchi bilan o‘tkazishni rejalashtirmoqda.
Muhammad Saloh 2017 yilda "Roma"dan 42 million yevro evaziga "Liverpul"ga o‘tgan edi. Uning shartnomasi 2027 yilning 30 iyuniga qadar imzolangan. Misrlik futbolchi joriy mavsum "qizillar" safida 20 ta o‘yinda maydonga tushib, 5 ta gol urdi va 4 ta golli uzatmani amalga oshirdi.
"Liverpul" 29 ochko bilan Angliya chempionati turnir jadvalida 5-o‘rinda bormoqda. "Qizillar" peshqadam "Arsenal"dan 10 ochko ortda qolmoqda.













