Ҳужумчи Муҳаммад Салоҳ яқинда юзага келган можарога қарамай, катта эҳтимол билан жорий мавсумни "Ливерпуль"да якунлайди.
The Athletic журналисти Жеймс Пирснинг маълум қилишича, "қизиллар" мавсумнинг иккинчи қисмини мисрлик футболчи билан ўтказишни режалаштирмоқда.
Муҳаммад Салоҳ 2017 йилда "Рома"дан 42 миллион евро эвазига "Ливерпуль"га ўтган эди. Унинг шартномаси 2027 йилнинг 30 июнига қадар имзоланган. Мисрлик футболчи жорий мавсум "қизиллар" сафида 20 та ўйинда майдонга тушиб, 5 та гол урди ва 4 та голли узатмани амалга оширди.
"Ливерпуль" 29 очко билан Англия чемпионати турнир жадвалида 5-ўринда бормоқда. "Қизиллар" пешқадам "Арсенал"дан 10 очко ортда қолмоқда.
