"Arsenal" qishki transferlar oynasida "Milan"ning 19 yoshli qanot himoyachisi Davide Bartezagini transfer maqsadlari ro‘yxatiga kiritdi. Bu haqda Caught Offside jurnalisti Mark Brus xabar bermoqda.

Manbaga ko‘ra, italyan klubi futbolchini 45 mln yevroga baholamoqda va uni joriy qishda sotib yuborish variantini ko‘rib chiqmayapti. Ta’kidlanishicha, Bartezagini "Manchester Siti" va "Real" ham kuzatib bormoqda.

Joriy mavsumda Bartezagi barcha musobaqalarda 13 ta o‘yinda maydonga tushib, 2 ta gol va 1 ta golli uzatmaga mualliflik qildi. Futbolchining klub bilan amaldagi mehnat shartnomasi 2030 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 18 mln yevroni tashkil etadi.