"Арсенал" қишки трансферлар ойнасида "Милан"нинг 19 ёшли қанот ҳимоячиси Давиде Бартезагини трансфер мақсадлари рўйхатига киритди. Бу ҳақда Caught Offside журналисти Марк Брус хабар бермоқда.
Манбага кўра, итальян клуби футболчини 45 млн еврога баҳоламоқда ва уни жорий қишда сотиб юбориш вариантини кўриб чиқмаяпти. Таъкидланишича, Бартезагини "Манчестер Сити" ва "Реал" ҳам кузатиб бормоқда.
Жорий мавсумда Бартезаги барча мусобақаларда 13 та ўйинда майдонга тушиб, 2 та гол ва 1 та голли узатмага муаллифлик қилди. Футболчининг клуб билан амалдаги меҳнат шартномаси 2030 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 18 млн еврони ташкил этади.
