"PSJ"da uzoq vaqtdan beri to‘p tepib kelayotgan braziliyalik himoyachi Markinyos Fransiya fuqaroligini rasmiylashtirmoqchi.
"Bu masala bo‘yicha ishlar allaqachon boshlangan. Shu yo‘l bilan bu mamlakat menga qanchalar ko‘p narsa berganini ko‘rsatmoqchiman. Fransiya fuqarosi bo‘lishdan juda xursand bo‘laman, bu yerda 13 yildan beri yashayman. Farzandlarim Parijda tug‘ilgan. Kelgusida ham shu yerda yashab qolish haqida o‘ylayapman," - deya futbolchining so‘zlarini keltiradi Lequipe.
Markinyos Parij grandi bilan 2028 yilning yarmigacha shartnoma majburiyatlari bo‘yicha bog‘langan. 31 yoshli himoyachining transfer narxi 30 million yevroga baholanmoqda.
