"ПСЖ"да узоқ вақтдан бери тўп тепиб келаётган бразилиялик ҳимоячи Маркиньос Франция фуқаролигини расмийлаштирмоқчи.
"Бу масала бўйича ишлар аллақачон бошланган. Шу йўл билан бу мамлакат менга қанчалар кўп нарса берганини кўрсатмоқчиман. Франция фуқароси бўлишдан жуда хурсанд бўламан, бу ерда 13 йилдан бери яшайман. Фарзандларим Парижда туғилган. Келгусида ҳам шу ерда яшаб қолиш ҳақида ўйлаяпман," - дея футболчининг сўзларини келтиради Lequipe.
Маркиньос Париж гранди билан 2028 йилнинг ярмигача шартнома мажбуриятлари бўйича боғланган. 31 ёшли ҳимоячининг трансфер нархи 30 миллион еврога баҳоланмоқда.
