"Flamengo" ustozi Filipe Luis klub bilan 2027 yilning dekabriga qadar mo‘ljallangan yangi shartnoma imzoladi. Bu haqda insayder Fabrisio Romano X ijtimoiy tarmog‘ida xabar berdi.
Luis qo‘l ostida "Flamengo" bu yil Braziliya chempioni bo‘ldi. Shuningdek, 2025 yil 30 noyabrda jamoa finalda "Palmeyras"ni 1:0 hisobida mag‘lub etib, Libertadores kubogini qo‘lga kiritdi. Ushbu g‘alaba "Flamengo"ga 2029 yilda bo‘lib o‘tadigan klublar o‘rtasidagi jahon chempionatiga yo‘llanma olish imkonini berdi. Klublar o‘rtasidagi jahon chempionati - 2025da jamoa 1/8 final bosqichiga chiqdi va u yerda "Bavariya"ga 2:4 hisobida mag‘lub bo‘ldi.













