"Фламенго" устози Филипе Луис клуб билан 2027 йилнинг декабрига қадар мўлжалланган янги шартнома имзолади. Бу ҳақда инсайдер Фабрицио Романо Х ижтимоий тармоғида хабар берди.
Луис қўл остида "Фламенго" бу йил Бразилия чемпиони бўлди. Шунингдек, 2025 йил 30 ноябрда жамоа финалда "Палмейрас"ни 1:0 ҳисобида мағлуб этиб, Либертадорес кубогини қўлга киритди. Ушбу ғалаба "Фламенго"га 2029 йилда бўлиб ўтадиган клублар ўртасидаги жаҳон чемпионатига йўлланма олиш имконини берди. Клублар ўртасидаги жаҳон чемпионати - 2025да жамоа 1/8 финал босқичига чиқди ва у ерда "Бавария"га 2:4 ҳисобида мағлуб бўлди.
