"Lasio" matbuot xizmati bosh murabbiy Maurisio Sarri yurak muammolari tufayli operasiya qilinganini xabar qildi.
66 yoshli murabbiyga atriyal fibrilasiya (insult yoki qon quyqalariga olib kelishi mumkin bo‘lgan tartibsiz yurak ritmi) tashxisi qo‘yildi. Murabbiy klinikada operasiyani o‘tkazdi.
Professor Andrea Natale tomonidan amalga oshirilgan prosedura muvaffaqiyatli o‘tdi. Sarri yaqin kunlarda klubni boshqarishni davom ettiradi.













