Ispaniya Superkubogi o‘yinlari yanvar oyida Saudiya Arabistonida bo‘lib o‘tadi. Keyingi chorshanba kuni "Barselona" birinchi yarim finalda "Atletik Bilbao" bilan to‘qnash keladi, payshanba kuni esa "Real Madrid" va "Atletiko Madrid" uchrashuvi bo‘lib o‘tadi.
Mundo Deportivo nashrining xabar berishicha, turnirning mukofot jamg‘armasi rekord darajadagi 23 million yevroni tashkil etadi - bu o‘tgan yilgidan 3 million yevroga ko‘p.
Bu summa barcha to‘rtta jamoa o‘rtasida ularning natijalariga qarab taqsimlanadi. So‘nggi Ispaniya Superkubogi g‘olibi "Barselona" deyarli 9 million yevro ishlab topgandi.













