"Lion" bosh murabbiyi Paulu Fonseka "Real"dan ijaraga olingan hujumchi Endrikning moslashuvi haqida gapirdi. Braziliyalik futbolchi "Monako" bilan shanba kungi o‘yin qaydnomasiga kiritilmagan.
"Endrikning jismoniy holati yaxshi, ammo 90 daqiqa o‘ynashga tayyor emas. U shu haftada mashg‘ulotlarni boshladi va moslashuv juda yaxshi ketmoqda. U juda g‘ayratli. Uni jamoa yaxshi kutib oldi, ammo Endrik "Monako" bilan o‘ynamaydi," - deya Fonsekadan iqtibos keltiradi L’Equipe.
"Lion"ning yangi hujumchisi 11 yanvar kuni Fransiya kubogi 1/32 finalida "Lill"ga qarshi o‘yinda debyut qilishi kutilmoqda.
