"Лион" бош мураббийи Паулу Фонсека "Реал"дан ижарага олинган ҳужумчи Эндрикнинг мослашуви ҳақида гапирди. Бразилиялик футболчи "Монако" билан шанба кунги ўйин қайдномасига киритилмаган.
"Эндрикнинг жисмоний ҳолати яхши, аммо 90 дақиқа ўйнашга тайёр эмас. У шу ҳафтада машғулотларни бошлади ва мослашув жуда яхши кетмоқда. У жуда ғайратли. Уни жамоа яхши кутиб олди, аммо Эндрик "Монако" билан ўйнамайди," - дея Фонсекадан иқтибос келтиради L’Equipe.
"Лион"нинг янги ҳужумчиси 11 январь куни Франция кубоги 1/32 финалида "Лилл"га қарши ўйинда дебют қилиши кутилмоқда.
