ФИФА президенти Жанни Инфантино куни кеча жаҳон чемпионатини 64 та жамоагача кенгайтириш масаласи жорий турнир якунлангач муҳокама қилинишини маълум қилган эди. Журналист Ромен Молинанинг хабар беришича, Инфантино мундиални 2030 йилда ўтадиган навбатдаги турнирдан бошлабоқ кенгайтиришга ҳаракат қилади.
Молина муҳим бир жиҳатни таъкидлайди: Инфантино мундиални ФИФА президентлигига қайта сайланиш кампанияси доирасида кенгайтирмоқчи.
«Бунинг учун Инфантино африкалик футбол мутасаддилари орасидаги иттифоқчиларининг қўллаб-қувватловини олмоқчи. Эвазига улар Инфантино яна бир қўшимча муддатга лавозимида қолиши учун уставни ўзгартиришга эришишади», — деб ёзди Молина ижтимоий тармоқларда.
Жанни Инфантино ФИФА президенти лавозимини 2016 йилдан бери эгаллаб келмоқда.
