"Nyukasl" yarim himoyachisi Sandro Tonali yanvar oyida klubini o‘zgartirishi mumkin.

Jurnalist Stiven Bantingning ma’lum qilishicha, 25 yoshli italiyalik futbolchining xizmatlariga "Liverpul"dan katta qiziqish bor. Mersisaydliklarning fikricha, 40 million yevro atrofidagi takliflar kelishuvni amalga oshirish uchun yetarli bo‘lishi mumkin. Futbolchini "Yuventus" ham kuzatib bormoqda.

Joriy mavsumda Tonali barcha turnirlarni qo‘shib hisoblaganda 25 ta o‘yinda maydonga tushdi va 4 ta golli uzatmani amalga oshirdi.

Tonalining "Nyukasl" bilan mehnat shartnomasi 2028 yilning yozigacha mo‘ljallangan. Transfermarkt ekspertlari futbolchining narxini 75 million yevroga baholamoqda.