"Barselona" Joau Kanseluni o‘z safiga qo‘shib olish imkoniyatini ko‘rib chiqmoqda.

O‘ng qanot himoyachisi "Al-Hilol"ni tark etib, Yevropaga qaytishga qaror qildi. Portugaliyalik uchun asosiy da’vogar Milanning "Inter" klubi ekani aytilmoqda, ammo "ko‘k-anorranglilar" ham kurashda ishtirok etmoqda. Jurnalist Karlos Monforning yozishicha, "Barselona" ehtimoliy bitim tafsilotlarini allaqachon o‘rganib chiqqan. Kanseluning yuqori maoshi tufayli transferni rasmiylashtirish juda qiyin bo‘ladi - Saudiya Arabistonida unga yiliga 15 mln yevro atrofida maosh to‘lanadi.

31 yoshli futbolchining o‘zi esa Kataloniyaga ko‘chib o‘tishni ma’qul ko‘rmoqda. Ma’lum bo‘lishicha, futbolchining "Barsa"ga qaytishi "Al-Hilol" unga maoshining katta qismini to‘lashda davom etsagina amalga oshadi.