"Барселона" Жоау Канселуни ўз сафига қўшиб олиш имкониятини кўриб чиқмоқда.

Ўнг қанот ҳимоячиси "Ал-Ҳилол"ни тарк этиб, Европага қайтишга қарор қилди. Португалиялик учун асосий даъвогар Миланнинг "Интер" клуби экани айтилмоқда, аммо "кўк-анорранглилар" ҳам курашда иштирок этмоқда. Журналист Карлос Монфорнинг ёзишича, "Барселона" эҳтимолий битим тафсилотларини аллақачон ўрганиб чиққан. Канселунинг юқори маоши туфайли трансферни расмийлаштириш жуда қийин бўлади - Саудия Арабистонида унга йилига 15 млн евро атрофида маош тўланади.

31 ёшли футболчининг ўзи эса Каталонияга кўчиб ўтишни маъқул кўрмоқда. Маълум бўлишича, футболчининг "Барса"га қайтиши "Ал-Ҳилол" унга маошининг катта қисмини тўлашда давом этсагина амалга ошади.