"Yuventus" mag‘lubiyatsiz seriyani davom ettirdi.

A Seriyaning 18-turida Luchano Spalletti jamoasi "Lechche" (1:1) bilan o‘yin o‘tkazib, ochkolarni bo‘lishib oldi. Avvalgi to‘rtta o‘yinda turinliklar "Piza" (2:0), "Roma" (2:1), "Bolonya" (1:0) va "Pafos"ni (2:0) mag‘lub etgandi.

"Byankonerilar" yangi murabbiy qo‘l ostida 13 ta o‘yin o‘tkazdi. Ular bor-yo‘g‘i bir marta mag‘lubiyatga uchradi ("Napoli"dan safarda), to‘rt marta durang o‘ynadi va sakkiz marta g‘alaba qozondi.

6 yanvar kuni "Yuventus" "Sassuolo"ga qarshi maydonga tushadi.