"Manchester Yunayted" "Vasko da Gama" forvardi Rayan uchun da’vogarlar safini to‘ldirdi.
19 yoshli futbolchiga allaqachon "Bavariya", "Tottenxem", "Barselona" va boshqa Yevropa grandlari qiziqish bildirayotgan edi. Jurnalist Eduardo Burgosning yozishicha, "qizil iblislar" ham umidli braziliyalik futbolchi uchun poygada ishtirok etmoqda. "Vasko da Gama"da yon berish niyati yo‘q va potensial xaridorlardan tovon pulini to‘liq to‘lashni talab qilmoqda - gap 80 million yevro haqida ketmoqda.
Katta ehtimol bilan Rayan qishda hech qayerga ko‘chib o‘tmaydi, yozda esa transfer amalga oshishi ehtimoli katta. Transfermarkt portali hujumchining narxini 25 mln yevroga baholamoqda.
