"Манчестер Юнайтед" "Васко да Гама" форварди Райан учун даъвогарлар сафини тўлдирди.
19 ёшли футболчига аллақачон "Бавария", "Тоттенхэм", "Барселона" ва бошқа Европа грандлари қизиқиш билдираётган эди. Журналист Эдуардо Бургоснинг ёзишича, "қизил иблислар" ҳам умидли бразилиялик футболчи учун пойгада иштирок этмоқда. "Васко да Гама"да ён бериш нияти йўқ ва потенциал харидорлардан товон пулини тўлиқ тўлашни талаб қилмоқда - гап 80 миллион евро ҳақида кетмоқда.
Катта эҳтимол билан Райан қишда ҳеч қаерга кўчиб ўтмайди, ёзда эса трансфер амалга ошиши эҳтимоли катта. Transfermarkt портали ҳужумчининг нархини 25 млн еврога баҳоламоқда.
