Madridning "Real" klubi himoyachisi Daniel Karvaxal boshqa klubga o‘tish haqida o‘ylamayotganini aytdi.
"Hozircha boshqa jamoaga o‘tish haqida o‘ylamayapman," - deya Karvaxalning so‘zlarini keltiradi AS.
Avvalroq, himoyachi mashg‘ulotlarga qaytgani va asosiy jamoa bilan mashg‘ulotlarning bir qismini o‘tkazgani xabar qilingandi. Oktyabr oyi oxirida 33 yoshli futbolchi o‘ng tizzasidan jarohat olgandi. Manbaga ko‘ra, Karvaxal Ispaniya Superkubogida ishtirok etishi mumkin. "Real" musobaqaning yarim finalida Madridning "Atletiko" klubiga qarshi maydonga tushadi.
