Madridning "Real" klubi hujumchisi Kilian Mbappe Ispaniya Superkubogi yarim finalidan o‘rin olgan "Atletiko"ga qarshi o‘yinni o‘tkazib yuboradi.
Avvalroq, ispan OAVlari fransuz jarohatidan tiklanib, 8 yanvar kuni bo‘lib o‘tadigan derbida ishtirok etishga ulgurishini taxmin qilgan edi. Jurnalist Migel Anxel Diasning yangilangan ma’lumotlariga ko‘ra, 27 yoshli forvard "matraschilar"ga qarshi o‘ynamasligi aniq. Balki u jamoa bilan Superkubok bahslari bo‘lib o‘tadigan Saudiya Arabistoniga ham uchib ketmas.
"Real" - "Atletiko" uchrashuvi Toshkent vaqti bilan soat 23:59da boshlanishi rejalashtirilgan. Kilian Mbappe joriy mavsumda 24 ta uchrashuvda 29 ta gol urdi.
