"Manchester Yunayted" bugun, 5 yanvar kuni Ruben Amorimni jamoa bosh murabbiyligidan iste’foga chiqardi.
2025 yil oktyabr oyi boshida mankunianliklar klubi egasi Jim Retkliff o‘zini "Manchester Yunayted" murabbiyi sifatida ko‘rsatish uchun mutaxassisga uch yil berishga tayyorligini aytgan edi.
"Ruben uch yil ichida ajoyib murabbiy ekanini isbotlashi kerak. "Arsenal"dagi Artetaga qarang. Sabr qilishimiz kerak", degan edi Retkliff.
Amorim klubni 2024 yilning noyabr oyidan beri boshqarib kelayotgan edi. U jamoa bosh murabbiyi sifatida 63 ta o‘yin o‘tkazib, 25 ta g‘alaba, 15 ta durang va 23 ta mag‘lubiyat qayd etgan.
