"Manchester Yunayted" joriy mavsum yakuniga qadar vaqtinchalik murabbiy tayinlashga umid qilmoqda, deya xabar berdi BBC.
Qayd etilishicha, bunday holatda hozirda Ruben Amorim iste’foga chiqarilganidan keyin jamoa bosh murabbiyi vazifasini bajaruvchiga aylangan Darren Fletcher bo‘lmaydi.
Yozda mankunianliklar yangi murabbiy tayinlaydi.
"Manchester Yunayted" 2021 yil qishida ham xuddi shunday vaziyatga tushib qolgandi. Ole-Gunnar Sulsher iste’foga chiqarilgandan so‘ng, jamoani uchta o‘yinga Maykl Kerrik qabul qildi, shundan so‘ng klub mavsum oxirigacha Ralf Rangnikni tayinladi. 2022 yilning yozida Erik ten Xag "Manchester Yunayted"ni qabul qilib oldi.













