33 yoshli markaziy hujumchi Kallum Uilson "Vest Xem"ni erkin agent sifatida tark etadi.
Jurnalist Pit O'Rurkning xabar berishicha, tomonlar mehnat shartnomasini muddatidan oldin bekor qilishga kelishib olgan. Aytish kerakki, Uilson o‘tgan yilning avgust oyida "bolg‘achilar" safiga tekinga kelib qo‘shilgan edi. O‘shandan beri u 16 ta o‘yinda maydonga tushib, to‘rtta gol urdi va bitta golli uzatmani amalga oshirdi.
Uilson butun faoliyatini Angliyada o‘tkazgan. U "Vest Xem"ga o‘tishdan oldin "Nyukasl", "Bornmut", "Koventri" va boshqa klublarda o‘ynagan.
Transfermarkt portali ma’lumotiga ko‘ra, hujumchining narxi besh million yevroni tashkil etadi.













