33 ёшли марказий ҳужумчи Каллум Уилсон "Вест Хэм"ни эркин агент сифатида тарк этади.
Журналист Пит О'Руркнинг хабар беришича, томонлар меҳнат шартномасини муддатидан олдин бекор қилишга келишиб олган. Айтиш керакки, Уилсон ўтган йилнинг август ойида "болғачилар" сафига текинга келиб қўшилган эди. Ўшандан бери у 16 та ўйинда майдонга тушиб, тўртта гол урди ва битта голли узатмани амалга оширди.
Уилсон бутун фаолиятини Англияда ўтказган. У "Вест Хэм"га ўтишдан олдин "Ньюкасл", "Борнмут", "Ковентри" ва бошқа клубларда ўйнаган.
Transfermarkt портали маълумотига кўра, ҳужумчининг нархи беш миллион еврони ташкил этади.
