"Kristal Pelas" markaziy himoyachisi Mark Gexi faoliyatini "Manchester Siti"da davom ettirishi mumkin.

Jurnalist Fabrisio Romanoning yozishicha, "shaharliklar" Gexini yanvar transferlar davrida o‘z safiga qo‘shib olmoqchi. Ayni paytda klub futbolchining agentlari bilan muzokaralar olib bormoqda. "Manchester Siti" "burgutlar" bilan transfer summasini osonlikcha kelishib olishlariga ishonmoqda, ammo yakuniy qaror Gexida bo‘ladi.

Joriy mavsumda 25 yoshli himoyachi barcha turnirlar hisobida 32 ta uchrashuvda maydonga tushib, 3 ta gol urdi va 4 ta golli uzatmani o‘z hisobiga yozdirib qo‘ydi.

Transfermarkt ma’lumotlariga ko‘ra, futbolchining narxi 55 million yevroga teng.