"Barselona" jarohat olgan Andreas Kristensen o‘rniga Joau Kanseluni ro‘yxatdan o‘tkazishi mumkin.
Avvalroq, Kataloniya klubi "Al-Hilol" qanot himoyachisini mavsum oxirigacha ijaraga olishi ma’lum bo‘lgandi.
Mundo Deportivo xabariga ko‘ra, La Liga tibbiy komissiyasi tibbiy xulosani tasdiqladi, unga ko‘ra, Kristensen 5 oyni o‘tkazib yuboradi - unda chap tizzasining xochsimon bog‘lami qisman yirtilgani aniqlangan.
Shu tariqa, "blaugrana" daniyalik futbolchi maoshining 80 foizini portugaliyalikni ro‘yxatdan o‘tkazish uchun ishlatishi mumkin bo‘ladi.
