"Kristal Pelas" yetakchilaridan biri, markaziy himoyachi sifatida o‘ynayotgan Mark Gexi qishda jamoani tark etishi ehtimoli yuqori.

Guardian xabariga ko‘ra, "burgutlar" o‘z yulduzini sotishdan 46 million yevro ishlab olmoqchi. Angliyalik himoyachini "Liverpul", "Arsenal", "Real", "Barselona" va "Manchester Siti" klublari o‘z safiga qo‘shib olmoqchi. "Shaharliklar" bu poygada favorit hisoblanadi.

Angliya Premyer-ligasining joriy mavsumida 25 yoshli futbolchi 20 ta o‘yinda ishtirok etdi. Gexi ikkita gol va ikkita golli uzatmani o‘z hisobiga yozdirib qo‘ydi.