"Barselona" vingeri Markus Reshford Ispaniya Superkubogi finalida "Real"ga qarshi o‘yindan so‘ng (3:2) jurnalistlar bilan suhbatlashdi.
Angliyalik futbolchi 83-daqiqada dubl qayd etgan o‘yin qahramoni Rafinya o‘rniga zaxiradan maydonga tushdi.
"Men juda baxtliman. Bu "Barselona" bilan birinchi sovrinim va birinchi g‘alaba har doim eng yoqimli. Umid qilamanki, bu mavsumda yana bir nechta sovrinlarni qo‘lga kiritamiz.
Jamoa a’lo darajada o‘ynadi va nimalarga qodirligini ko‘rsatdi. Keyingi o‘yinda g‘alaba qozonish uchun hamma narsani qilamiz, ammo hozir vaziyatdan zavqlanish kerak," - deya 28 yoshli futbolchining so‘zlarini keltiradi MD.
