Bugun, 12 yanvar kuni «Dinamo» jamoasi Toshkentda «Xorazm»ga qarshi nazorat bahsini o‘tkazdi.
Uchrashuvning birinchi bo‘limida Azizbek Amonovning zarbasi darvoza ustuniga tegib qaytdi, jamoalar tanaffusga durang hisob bilan chiqishdi – 0:0.
Ikkinchi bo‘limda esa Vadim Abramov boshqa tarkibni sinab ko‘rdi va 50-daqiqada ko‘rikda bo‘lgan bolgariyalik 24 yoshli vinger Giorgi Babaliyevning uzatmasidan keyin Mirjahon Mirahmadov hisobni ochdi – 1:0.
57-daqiqada esa Babaliyevning o‘zi kuchli zarbasi bilan chiroyli golga mualliflik qildi – 2:0.
84-daqiqaga kelib, urganchliklar Danila Yejovning goli bilan hisobni qisqartirishdi – 2:1.
90-daqiqada esa Babaliyev boshlagan hujumdan keyin Mirahmadovning darvozaga bosh bilan yo‘llagan zarbasi to‘singa tegdi, qaytgan to‘pni Xalilov darvozaga yo‘lladi – 3:1
Nazorat uchrashuvi. 12 yanvar
«Dinamo» - «Xorazm» - 3:1
Gollar: Mirjahon Mirahmadov 50, Giorgi Babaliyev 56, Xislat Xalilov 90 – Danila Yejov 84.
«Dinamo»: Ravshanbek Yagudin, Ulug‘bek Abdullayev, Jaloliddin Jumaboyev, Jahongir O‘rozov, Sanjar Qodirqulov, Dramane Salou, Nurullo To‘xtasinov, Rasul Yo‘ldoshev, Azizbek Amonov, Anvarjon Hojimirzayev, Ulug‘bek Hoshimov.
2-bo‘limdagi tarkib: Edem Nemanov, Artyom Kolobov, Jaloliddin Jumaboyev (Sanjar Qodirqulov, 76), Maqsudxo‘ja A’loxo‘jayev, Giorgi Babaliyev, Fozil Zokirov, Oybek Hamroqulov, Xislat Xalilov, Firdavs Abdurahmonov (Abdulahad Hoshimov, 70), Behruzbek Obloqulov, Mirjahon Mirahmadov.
