U-23 Osiyo kubogida ishtirok etayotgan O‘zbekiston U-21 terma jamoasi yarim himoyachisi Nurlan Ibraimov guruh bosqichi 3-turidan o‘rin olgan Janubiy Koreyaga qarshi o‘yindan oldin o‘z fikrlarini bildirdi.
«Eron bilan o‘yin (0:0) qiyin o‘tishini bilardik. Xudoga shukr, 1 ochko bo‘lsa ham qo‘lga kiritdik. Tiklanish jarayoni yaxshi o‘tmoqda. Koreya doim kuchli raqib bo‘lib kelgan, ammo biz hech kimdan qo‘rqmaymiz. Borimizni berib, faqat g‘alaba uchun maydonga tushamiz.
Murabbiylarimiz bilan o‘ziga xos rejalarimiz bor. Ularning kamchiliklaridan foydalanishga harakat qilamiz. Faqat g‘alaba uchun maydonga tushamiz», - dedi 20 yoshli futbolchimiz.
O‘zbekiston — Janubiy Koreya uchrashuvi 13 yanvar kuni Toshkent vaqti bilan 16:30'da start oladi.
