U-23 Осиё кубогида иштирок этаётган Ўзбекистон U-21 терма жамоаси ярим ҳимоячиси Нурлан Ибраимов гуруҳ босқичи 3-туридан ўрин олган Жанубий Кореяга қарши ўйиндан олдин ўз фикрларини билдирди.

«Эрон билан ўйин (0:0) қийин ўтишини билардик. Худога шукр, 1 очко бўлса ҳам қўлга киритдик. Тикланиш жараёни яхши ўтмоқда. Корея доим кучли рақиб бўлиб келган, аммо биз ҳеч кимдан қўрқмаймиз. Боримизни бериб, фақат ғалаба учун майдонга тушамиз.

Мураббийларимиз билан ўзига хос режаларимиз бор. Уларнинг камчиликларидан фойдаланишга ҳаракат қиламиз. Фақат ғалаба учун майдонга тушамиз», - деди 20 ёшли футболчимиз.

Ўзбекистон — Жанубий Корея учрашуви 13 январь куни Тошкент вақти билан 16:30'да старт олади.