Xabi Alonso "Real"ni tark etishidan oldin rahbariyat bilan nimalar haqida gaplashgani ma’lum bo‘ldi.
Madrid jamoasi bosh murabbiyi bilan tuzilgan shartnoma dushanba kuni tomonlar kelishuviga ko‘ra bekor qilindi.
Jurnalist Anton Meananing so‘zlariga ko‘ra, klub rahbariyati a’zolari bilan o‘tkazilgan so‘nggi yig‘ilishda Alonso futbolchilarga bunchalik ko‘p vakolat berish mumkin emasligi haqida fikr bildirgan - u buni asosiy muammo deb hisoblagan.
Ta’kidlanishicha, ispaniyalik mutaxassis o‘zini "himoyasiz" his qilgan va klub har doim murabbiy emas, futbolchilar tomonida bo‘lishidan hayron bo‘lgan. Habining fikricha, bu uning obro‘siga putur yetkazgan.
Murabbiyning fikricha, bunday sharoitda kiyinish xonasini boshqarish mumkin emas.
